بسبوسة الطازج مع الايس كريم بالتوفي

طريقة عمل بسبوسة الطازج مع الايس كريم بالتوفي بالصور


بسبوسة الطآزج مع الآيسكريم والتوفي لا تعليق شي شي يجنن وسهله تهبل ما تآخذ وقت يلا صلحوها ع المغرب

أول شي مقادير البسبوسه :

كوب سميد
+
كوب حليب بودره ( احمسوه شوي لين يصير لونه اشقر اذا تبون البسبوسه تكون ألذ بعدين انخلوه )
+
نص كوب سكر
+
م ك بيكنج بودر
+
علبتين قشطة ( المعلّبه مو الطآزجه )
+
اصبع زبده ١٠٠ غرام سايحه

نخلطها يدوي بملعقه خشب لين تتمازج المكونات مع بعض بعدين نجيب صينية بايركس ندهنها بشوي زيت او طحينه سايله وبعدين نحط الخليط ونخليها بالفرن ع الرف الوسط على درجة حراره ٣٥٠ لين تستوي بعدين نحمّرها خفيف من فوق .

واذا طلعت من الفرن خلوها شوي تبرد بحرارة الغرفه مو بارده مره دافيه يعني ونقطعها مربعات اذا تحبون تسقونها شيره خفيف أو بدون . وبعدين نحط كل قطعه بصحن منفرد وعند التقديم كورة آيسكريم + خطوط التوفي + رشة فستق ..
واستمتعو مع القهوه العربيه وجعله هني وعافيه على قلوبكم يارب

طريقة التوفي :

أول شي نجيب علبة قشطه ونحطها بصحن عميق في ماء حار ونخليها على جنب ونجيب قدر ونحط فيه كوب سكر + فنجال قهوه ماء + ملعقة شاي ( ملح ) ونخليه ع النار لين يصير لونه ذهبي مايل للبني فاتح بس راقبوه زين وبعدين نضيف القشطه ونخلط بالسلك اليدوي بسرعه وخفّة يد لين يتمازج ويطلع عندك توفي ولا ألذ

- أنبّهكم على القشطه لمن تضيفونها انتبهو على أنفسكم