حلى كاسات الكنافه بالقشطه مع صوص دولتشي دي ليتشي

طريقة عمل حلى كاسات الكنافه بالقشطه مع صوص دولتشي دي ليتشي


حلا الكنافه بالقشطه مع صوص الدي ليتشي سهل مره مره وطعمه لذيذ لعشاق الكنآفه

الطريقه :

١- الطبقه الأولى :
( القشطه )
مقاديرها
كوب وربع حليب سايل
+
٣ م ك نشاء
+
كوب قيمر
+
نص م ص فانيليا سائله

في قدر نحط الحليب والنشاء ونقلبهم لين يثقل الخليط شوي وبعدين نطفي النار ونحط القيمر والفانيليا ونقلبهم لين يختلط القيمر مع الحليب ونخليهم شوي لين تبرد الحشوه .
ونعبّي القمع ونعبي الكوب للنص أسهل لكم القمع في ترتيب الطبقات .

٢- الطبقه الثانيه :
( طبقة الكنافه )
أجيب محضرة الطعام اللي تفرم الخبز وافرم فيها الكنافة واستعملت (كنافة السنبله) افرمها مرتين لين تصير فتات صغير مره وبعدين ع النار اذوب اصبع زبده واحمس الكنآفه لين يصير لونها أشقر وبعدين اطفي النار وأخلط معها نستله كبير + ٤ ملاعق كبيره قشطه .

ونحطها فوق الطبقه الأولى .

٣- آخر طبقة :
( صوص الدي ليتشي )
علبة حليب نستله مغليه على النار لحد ماصار عندي صوص يسمى : ( دولتشي ) دي ليتشي قريب للكرامل بس شخصياً أعتبره أطعم

- طريقة غلي النستله :

( أجيب علبة نستله الكبير وأشيل القرطاسه منه ولا أفتح العلبه أخليها مقفله بس اشيل الورقه ، وأعبّي قدر الضغط ماء يغطي العلبه واكتمه ساعه وبعدين أخليه لين يبرد تماماً واستعمله .)
ثمن استخدمت قمع التزيين يعجبن قوامه ثابت مستحيل يذوب او يحوسك خاصه مع أجواءنا الحاره .

ان شاء الله يروق لكم وجعله عافيه مقدماً