كب باي
بواسطة: عبير العميرة
تاريخ الوصفة: 11/06/2015
تطبيق *الكب باي* الصراحه أول ماشفت الوصفه طرى على بالي أجربها بصينية الكب كيك اللي قاعدتها متحركه حبيت أغامر وحسيت انها راح تطلع لأن هالصينيه انا واقعه في عشقها أي شي أحطه فيها يطلع مرتب ويجننن
عاد اول ماطلعتها من الفرن وهي دافيه طلعت بكل سهوله تجننن تجننن
حبيتها من أول نظره وعاد رحت أدلعها وأربط لها فيونكه شرايكم فيها مو كلها ملح الطريقه ولا أسهل منها :
بيضتين
نص كوب زيت
نص كوب دقيق
نص كوب حليب بودره
م ك بيكنج بودر
رشة ملح
نص كوب ماء
نخلطها كلها مع بعض بالخلاط , وبعدين نحطها بأوراق البلاسيه أو قوالب الكب كيك ونضيف عليها الفلفل الرومي والجبن الكيري والزيتون الشرائح ورشّة زعتر ، وبعدين عند التقديم كوّرت جبنه مع ورقة نعناع
طبعاً نجمّلها على حسب الذوق
وجعلهآ هني وعآفيه على قلوبكم
