العجينة السحرية المعتمدة عندي هي ( عجينة أمي ) بالصور
بواسطة: عبير العميرة
تاريخ الوصفة: 11/06/2015
العجينه المعتمده عندي هي ( عجينة أمي ) تضبط معي وكل من ذاقها ينجن عليها استخدمها للمعجنات بكل اشكالها
المقادير :
( استخدمو الأكواب المعياريه واللي ماعندها تستخدم كاس الجبن
). .
٥ أكواب طحين كويتي ،
ملعقتين كبيره ممسوحه خميره ،
ملعقة كبيره بيكنج بودر ،
٦ ملاعق كبيره حليب بودره ،
فنجال قهوه سكر ،
نص كوب زيت نباتي ،
ملعقه صغيره ملح ،
تعجن بماء دآفي ما أقدر أحدد الكميّه !
شوي شوي زيدي الماء واعجني لين تصير عندك عجينه متماسكه وطريّه واتركيها بمكان دافي ..
وإذا مرّت نص ساعه تقريباً اعجنيها مره ثانيه ، وخليها تقريباً زياده ساعه أو حتى
يتضاعف حجمها
تنبيه :
اللي تبي العجينه تضبط تخلي الماء دافي مو بارد ولاحار + خلط المكونات مضبوط وكل مازادت مدة العجن وخليتوها تتخمر على راحتها كل ماطلعت لكم عجينه هشّه وممتازه
