كيكة بسكويت الشاي مع التفاح والقرفه بالصور
بواسطة: عبير العميرة
تاريخ الوصفة: 11/06/2015
بسكويت الشاي مع التفاح والقرفه - حآقه ماحصلتشي
وآسفه مره ع التعذيب بس والله لذيذه من قلب أحبها خفيفه وسهله
الطريقه
/ ١/ الطبقه الأولى : بالخلاط /
بيضتين + فانيليا + نص كوب زبدة لورباك مذوبة
+ نص كوب سكر + نص كوب ماء ونصبّها على :
كوبين بسكويت شاي مكسّر كسر صغيره + م ص بيكنج بودر . الحين نجيب الصينيه حقت التشيز الكيك المقاس الصغير ٩انش وندهنها بزبدة لورباك حقت الخبز من مجموعة الطبخ والله روعه مااستغني عنها تطلع معي الكيكه بكل سهوله
وندخلها فرن مسبق التسخين على درجة حرارة ٣٥٠ بالرف الوسط ماتطول يمكن ثلث إلى نص ساعه أول ماتستوي نحط عليها الطبقه الثانيه .
٢/ الطبقه الثانيه :/ ( نص علبة حليب محلى كبير + ٦حبات جبنة كريمية مربعات ) على طول تحطونها فوق الكيكه وتدخلونها للفرن وهو حار وهو مطفّى وتخلونها ٥دقايق تقريباً وبعدين للثلاجه اقل شي ساعه وتفكون الصينيه راح تطلع لكم مره مرتبه الطبقتين .
بعدين نسوي الطبقه الثالثه
٣/ الطبقه الثالثه : تفاحه مقطعه صغار بدون قشر + م ك نشاء + م ك قرفه + كوب ماء + فنجالين قهوه سكر .
نخلطهم ع النار لين يلين التفاح وتتماسك الخلطه .
وبكذا خلصنا وجعله هني وعآفيه على قلوبكم
الكيكه طرييييه + تفاح طري + صوص متشبّع بالقرفه شي خيآل
أحبها هالكيكه من كل قلبي
