خلطة بهارات بديل الماجي بالصور

طريقة عمل خلطة بهارات بديل الماجي بالصور


اولا طريقة تنشيف الخضار ثم طريقة البهارات بالتفصيل

المهم اول شي بنبدا بالتنشيف لانه على اساسة تكون المقادير بشكل متساوي

و تختاري الخضار اللي ودك تضيفيها و انا اختارت الفلفل الرومي و البصل الاخضر و البقدونس و معاه شبت
تختاري الخضار وتغسليها زين وتقطعيها بشكل متساوي و تخليها بالمصفاة لين ماتنزل الموية عنها ..مهم



هنا اخترنا الخضار المطلوبة بعد ما تنضفة من الاشياء الي ممكن تكون في البقدونس والكسبرة و في البصل الاخضر و نقطعها بالتساوي و بالنسبة للبصل نفككه من بعضه
و نخلية في المصفاة لحد ما تنزل اخر قطرة من الماء



بعد كذا تخليها في السفرة الخصف و اللي ماعندها ممكن تستخدم اي شي متوفر طبعاً فايدتها انها ماتخلي الماء يتجمع لو فرضنا انو ما زال فيه بقايا موية في الخضار

تعرضيها للشمس"خصوصاً بالشتاء" لمدة ما تكون طويلة يعني تكفي ساعة مع التقليب المستمر و تدخليها جو البيت في الليل
يعني يكون اضمن من خارج المنزل


والفترة تخلتف في الصيف عن الشتاء يعني الان التنشيف ياخذ وقت و اللي مستعجل مرة
تدخلها للفرن بس بدون ما تشو يعني يعني لونها ما يتغير

بس افضل شي يكون التنشيف طبيعي هواء و شمس

في الصيف ما تاخذ معاك اسبوع ا وهي متيبسة

نجي للبهارات وطريقة عملها ..


المقادير

المكاييل كل واحده و كاسها او طاستها المهم الكمية


بعد ما تنشف البهارات تهبش بالهاون او النجر مثل ماتسموه لين ما يكون بحجم مناسب

الخضار هنا صارات كاسين وهذا الافضل لانه كل ما كثرت كل ماكان افضل

*كاسين خضار منشفه ..."منوعة"
*كاس بصل ناشف
*كاس ثوم ناشف
*نص كاس حبوب كسبرة و شمرو شيبه وكمون
*ربع كاس ورق الغار
*نص كاس قرفة
*ربع كاس فلفل اسود او ابيض
نص كاس ملح خشن "اختياري "

وهنا استغنين عن جوزة الطيب لاسباب دينيه


بعد ما تجمعت كل المقادير مع بعض و تخلط و نحمسها على النار حتى الريحة تخشخش براسك


طيب ليش انا احمسها كثير يستغربون من الشي
مع انه من زمان و الوالدة و امها يقولون اذا طحنة اي حبوب
لزم تحمس خصوصا الكمون
علشان ما تجمع فيه الدود مع التخزين
تعرفون ان الكمون ما ينطحن و يتخلي وقت مطحون
من يوم ماتحطنيه تستخدميه لانه من النوع اللي يلم دود على طول
و الحمس يخصل بهاراتك من اي شي من الدود
البعض استغرب ليش ما استخدمة الهيل او الليمون الاسود
استخدمة بحجمه يعني مو مطحون وخصوصا للرز
ونفس الشي بالنسبة للخلونجان


ملاحضة: ادري ودكم تشوفون الخضار وهي ناشف
لكن قدر الله علي ذاك اليوم وهي في الحوش
و تجي ذيك الهواء و المطر و تقش خصفتي واللي فيها
و ماعاد يمدي راحت وطي
وهذا قبل ما يكتمل التنشيف

الطريقة و المقادير لعمل خلطة بهارات بديل الماجي بعد بالصور وش تبغون بعد تستاهلون و الله








مثل ما نتم شايفين بالصورة
حبوب الكسبرة الناشفه و الكمون وبعد فيه شوي فلفل اسود وابيض بس مو في الصورة
شمر و جوزة الطيب
شيبه و بصل و ثوم ناشف ورق غار و قرفه
و السر الحقيق للطعم
هو البقدونس و الفلفل الرومي و البصل الاخضر تغسليه و تنشفيه و يضاف للمكونات الملح الخشن الطبيعي طبعاً على حسب الرغبه فيه ناس يمكن ما تفضله لكن انا احبه معاه
اجمع كل المكونات و احمسها على النار لين ما تحسي الريحة عبت المكان و الريحة شي جنان




و هذا شكلها بعد ما حمستها مع بعض ..........ما قولكم على الريحه شي خيال
بعدين طحنتها و اذا تحبون تضيفوا لها كركم او تكون كذا عادي




وهذي بعد ما طحنتها واظفة لها الكركم

ملاحظة : المقادير و الكمية ماهي محدده لاني اسويها كمية واخليها في الفريزر دائما قبل رمضان بس المرة هذي سويتها بعد رمضان لان الكمية متوفرة