اطباق واكلات رمضانيه من مائدة فطور رمضان بيتي بالصور

اطباق واكلات رمضانيه من مائدة فطور رمضان بيتي بالصور
ramadan recipes for iftar saudi


الموضوع والصور من فطور رمضاني العام الماضي واتمنى تفيدكم

ابدأ يومي من لما اصحى
على 1ونص او 2
اصلي الظهر واروح المطبخ اطلع اللحمه وانقع الحب للشوربه
واليوم لان فيه ورق عنب سويته كمان
ارجع لمصلاي واقرأ قران واراجع حفظي لمدة ساعه
واكملي كم شغله فالبيت او المطبخ
وبعد صلاة العصر ادخل المطبخ ويبدأالجد

منيو اليوم
شوربه حب
لقيمات
سمبوسه
بيتزا
منتو كذاب
ورق عنب
تشيز كيك
سينابون

بديت بالتشيز كيك جهزته ودخلته الثلاجه
وعجنت السينابون ودخلته الفرن





حطيت الشوربه على النار


وعجنت اللقيمات
وبديت فلف المنتو



ودخلته الفرن
ورجعا للقيمات وبديت قليها
البيتزا من الفريز سويتها قبل يومين
اخر نص ساعه كلها صرقعه
وما اتذكر اصلا اش سويت فيها بالضبط
المهم اني جهزت السفره
سفرتنا مره وحده وخلاص مافيه غيرها واللي بيكمل بعد الصلاه يرجعلها
والاغلب محد يرجع
.
الصور مو كامله اغلبها مارضيت تتحمل












بعد الصلاه بشوي اشرب الشاهي المنعنع
وهذا اساسي عندي لاني ما احب القهوه
صورت البرادي حقي بس ماتحملت الصوره (تخيلوه)
ارتاح شوي وبعدين اتجهز للتراويح اذا كنت بروح المسجد
بعد التراويح برضه اروق على براد شاهي
احيان اطلع الحديقه مع عيالي وجاراتي قريبه مننا
واحيان اقلب فالجوال
لين وقت السحور
اتسحر واصلي الوتر واقرا قران لين صلاة الفجر
اصلي وانام طوالي ما احب اتأخر بعد الفجر
وكان هذا سحوري وقتها
مكرونه باللحمه المفرومه وايدام خضار




الشوربه
انقع الحب قبل ب6ساعات فمويه حاره
احط اللحمه والطماطم والبهارات فقدر ثاني واقلبها شوي
واضيفها للحب المنقوع واطبخها ساعه وربع وبس

المنتو بطريقتي (احبه كذا لانه اقرب للمنتو الحقيقي)
شرايح سمبوسه طازجه
لحم مفروم اكشنه مع بصل مفروم كثير وابهره بكمون وفلفل اسود
والفه وارصه فصينيه واارش عليه نص كاس مويه مخلوط معه كمون وفلفل اسود
وملعقتين زيت اقصدره وادخله الفرن نص ساعه
ورق العنب
كنت مفرزته بس طلعته ورتبته فالقدر وحطيت عليه المرقه

الحلا مو دايم اسوي لانا مانحبه كثير ومانشرب قهوه
.
وبس