طريقة عمل الرز الكابلي باللحم السهل بالصور

طريقة عمل الرز الكابلي باللحم السهل بالصور

راح اعطيكم أسهل واروع طريقه للكابلي باللحم
والله ماتندم اللي حتجربها والله بدون مبالغة شغل مطاعم ماشاءالله اللهم بارك


ومستحيل اللي يذوقه مايطلب الطريقه وعلى ضمانتي بس لاتنسووووني من دعوه حلووه زيكم << واااثقه



نبدأ المقادير مع الطريقه بسم الله




تجيبي اللحمه وتغسليها تمام التمام
تجيبي قدر الضغط وتحطي بصله كبيرة شرايح مع زيت وتحمريها شوي لين تذبل وحطي الثوم المفروم تقريبا خمسه فصوص او اربعه


ولين تشمي ريحته الزاكيه


حطي بهارات صحيحه مشكله هيل وقرنفل وورق غار وقرفه وكزبره ناشفه يعني تشكيله بسيطه من بهارات الكبسه وخليها شوي تتقلى مع البصل والثوم وبعدين حطي اللحمه وتكوني ماخذه حبه برتقاله كامله بقشورها


لاتستغربوووو والله جربتها بقشر وبدوون قشر
مع القشر يفرق وروعه


المهم حطيها بفرامه البصل واخلطيها تمام لين تصير كلها مفرومه ناعمه وحطيها ع اللحمه




وجيبي بهاراتك المعتمده المطحونه اللي تحبيها
واخلطي منها شوي مع بعض بمقدار ثلاث ملاعق صغيره مليانه وحطيها ع اللحمه
وحطي مقدار نص غطا خل ابيض


وثلاث ملاعق مليانه صلصه طماطم مذوبه بمويا حاره وحطيها
وحطي مويا انا ماحب اكثر عشان لا تصير المرقه كثيره وابتلش فيها بعدين كل شوي افتح وازيد شوي وارجع اضغطه وكل وحده بطريقتها




المهم نصيحه من خبرتي لاتحطو الملح من البدايه لان الملح يخلي اللحمه قاسيه وماتستوي بسرعه



المهم اخليها ع نار عاليه بس زي ماقلتلكم انتبهوووو لاتنحرق لاني احط مويا قليله وكل شويه وافتح وازيد المويا


المهم بهالوقت تكوني غاسله رز وحطي كشنه ثوم فقط وحطي الرز وسويه ثلاث ارباع سوا






انا اخلي اللحمه ساعه في الضغط احبها مهريه ومهروسه انا وزوجي واهلي وكل وحده تسويها بالدرجه اللي تحبها




المهم لازم يكون في شوي صوص مع اللحمه ماتكون ناشفه لانك حتحطي الرز فووقها يكمل سواه بس انتبهوو لايكون الصوص كثير عشان الرز مايتعجن يا دوب شي بسيط


ولين تستوي اللحمه حطي الملح وقلبيها عشان يتوزع وبعدين حطي الرز


والسر الخطير اللي يخلي الطعم اطلق من الف مطعم ويخلي الريحه توصل لاخر الشارع






حطي مقدار غطا مويا كادي ولو كميه الرز واللحم كثيره حطي غطايين


واروع نوع من مويا الكادي الطايفي
او اليمامه


اما اللي علبته لونها اخضر مانصحكم فيه ابدا ماعجبني طعمه




المهم واضغطوه ع نار هاديه من دقيقتين لثلاث فقط




وقدميه مع سلطه نعناع وزبادي وخيار وجزر


جيبي علبه زبادي وحطيها بفرامه البصل مع شوي ورق نعناع وملح


وتكوني باشره خيار وجزر وحطي الخلطه معاهم
وحطي زبادي ثانيه معاهم لان اللي خلطتيها حتكون سايله مع الخلط ف حطي زبادي ثانيه
عشان تكون ثقيله وولو تبيها سايله مو مشكله



وبس عوووافي وسامحووني ماصورت الخطوات


ودعواتكم


وهذا الشكل النهائي








ومتأكده حتنسو المطاعم مع الكابلي حقتي


وتقدرو تسووه بالدجاج بس اللحم الذ


اللهم صل وسلم على سيدنا محمد واله وصحبه وسلم