الزهره المقليه المقرمشه
بواسطة: عبير العميرة
تاريخ الوصفة: 19/03/2015
الزهره المقليه أحسها محبوبه من الجميع لأني أشوف لها شعبيه كبيره الأغلب طلب طريقتها ، وهذي طريقتي لعيونكم :.
:.
الطريقه /
هذي طريقه اسهل من التغميس نخلط كل الاشياء مع بعض راح تعجبكم بإذن الله :
١- ( رأس زهره نفككها لزهرات متوسطه ونشيل الزوائد ووننظفها ونغسلها ) .
٢- نسلقها بماء وملح لمدة ٣ دقائق فقط .
٣- نضيف عليها ملح + بهارات ايطاليه + شوي من بهارات التندوري + رشة أوريغانو + بودرة ثوم + بودرة بصل + فلفل اسود مطحون + فلفل حار مطحون + كزبره مفرومه .
٣- نخلط معها تقريبا ً... نصف كوب طحين + بيضتين + نص كوب بقسماط .
٤- نخلطهم مع بعض مضبوط ونخليهم نص ساعه ع الأقل بالثلاجه عشان تتماسك وتتداخل النكهات بالزهره .
٥- نقليهم بزيت غزير على حراره متوسطه ونكون حاطين جنبنا صحن وسيع وطبقات من الورق عشان يمتص الزيت . :.
:.
.......... ......... - نصيحة :/ * يفضلّ قلي الزهره على درجة حرارة متوسطة ، ليست هادئة حتى لا يؤدي ذلك لامتصاص الكثير من الزيت ، وليست عالية جداً حتى لا يحترق الزيت ويكون ضار وحتى لا تفقد الخضروات المقلية كل الفوائد التي بها . .......
........
الصوص --/
علبة زبادي + م ك كاتشاب + م ك سومطره + م ك عصير ليمون + نصف حبة فلفل احمر بارد مفروم + م ك بقدونس مفروم + شوي شطه + ملح وفلفل اسود ورشة بهارات ايطاليه .
وجعله هني وعافيه على قلوبكم
