بطاطس أعواد مشوي في الفرن بالصور
بواسطة: عبير العميرة
تاريخ الوصفة: 19/03/2015
بطاطس أعواد مشوي في الفرن سهل وجميل ولذيذ وينفع لأصحاب الدايت
١/ ينظف البطاطس بدون مانشيل القشره عنها وبعدين نقطعه نفس الشكل اللي بالصوره أصابع رفيعه .
.،
٢/ نرش عليه ملح + فلفل أسود مطحون + فلفل أحمر مطحون + بهارات ايطاليه + بهارات تندوري هي اللي تعطيه اللون الاورنج الجميل + اكليل الجبل مجفف (اختياري) + والمنكّهات اللي تحبون أطلقو العنان لرغباتكم .
.،
٣/ نحط البطاطس بالصينيه اللي مالها حواف انا احط تحته ورق زبده ينفع بدون بس اسهل في غسل الصينيه وبعدين أصب ع البطاطس زيت زيتون يعني على كل أجزاء البطاطس ونرش بقسماط ( اختياري ) وندخلها للفرن اخذت معي حوالي نص ساعه على درجة ١٧٠ من تحت والمدّه تزيد وتنقص على حسب كل وحده وفرنها واذا استوى شغلو من فوق شوي بس يخليه ينشف حلاته مقرمش مو طري .
.،
وبألف عافيه لذيذ وصحّي ويشبّع وينفع للكبار والأطفال تعويض عن الشيبسات المضرّه مره خيال حبّوه صغآري وانبسطت
وجعله بألف عافيه على قليباتكم الجميله
