ميني برجر
بواسطة: عبير العميرة
تاريخ الوصفة: 19/03/2015
( ميني برقر )
العجينه استخدمت العجينه الذهبيه :
بالعجانه أو بزبديه نخلط المواد السايله أول شي :
علبة زبادي + نص كوب لبن + ربع كوب زيت
وبعدين نضيف المواد الجافه :
كوبين ونص دقيق منخول .. الافضل يكون : ( كوب دقيق عادي وكوب ونص دقيق كويتي )+ م ك خميره + م ك بيكنج بودر + ٣ م ك سكر + نصف م ص ملح .
نعجنها مضبوط وندهنها بقليل زيت ونخليها ترتاح ربع الى ثلث ساعه وبعدين نشتغل فيها .
أضفت عليها ملون طعام اخضر نقطتين بس .
.:
.: نكورها كور صغيره أو على حسب الرغبه لازم تراعون انها تنتفخ يعني الحجم اللي تبينه صغريه زياده عشان يطلع لك الحجم اللي تبين .
نرتبها بالصينيه وندهنها بصفار بيض + شوي حليب سايل او ماء ورشيتها بفلفل احمر مجرووش او سمسم او حبه سوداء او سماق اللي يعجبكم ..
:.
:. لمن تستوي نخليها تبرد ونقطعها مع النصف ونحشيها جرجير او خس على راحتكم وشريحة طماطم والبرقر راح اكتب الطريقه الحين .. - طريقة البرقر بصدور الدجاج :/
بالخلاط الكبير اللي يفرم البصل :
نضيف : صدرين دجاج مبرّده + حبة بصل ابيض + شوي بقدونس + شوي كزبره + بيضه + ملح وفلفل اسود وبهارات مشكله اللي تحبون .. ونخلط لين ينعم مره الخليط بعدين نحطه بصحن ونضيف بقسماط ناعم شوي شوي لين يصير متماسك نجرب قطعه صغيره ع التاوه نشوف الطعم يحتاج ملح زياده او لا .. وبعدين نخليه بالثلاجه اقل شي نص ساعه وبعدين نشكلهم اقراص بصينيه مدهونه بالزيت لين تستوي واذا استوت على طول نحط عليهم جبن شرائح يذوب عليها شوي وبعدين نحطهم بالبرقر ونثبتهم بالأعواد البلاستيك .. وبألف عافيه على قلوبكم
.:
.: ** ملاحظات :
١- أحب الهلابينو + شرائح مخلل خيار بس هالشيئين مايجلسون فتره طويله يعني عند التقديم او خليهم بعلب بجنب البرقر اللي يحب يضيف .
٢- انتبهو من المايونيز لاتضيفونه ابد لأن مع التغليف يصير زي الزيت ويخرب طعم البرقر .
الا في حالة انك بتقدمينه على طول
