كاساديا التورتيلا

بواسطة: عبير العميرة

تاريخ الوصفة: 07/01/2015

كاساديا التورتيلا

http://www.encyclopediacooking.com/upload_recipes_online/uploads/images_arabic-food-recipes-with-pictures-%D8%B5%D9%88%D8%B1-%D8%A7%D9%83%D9%84%D8%A7%D8%AA-%D8%B7%D8%B1%D9%8A%D9%82%D8%A9-%D8%B9%D9%85%D9%84-%D9%83%D8%A7%D8%B3%D8%A7%D8%AF%D9%8A%D8%A7-%D8%A7%D9%84%D8%AA%D9%88%D8%B1%D8%AA%D9%8A%D9%84%D8%A7-%D8%A7%D9%84%D9%84%D8%B0%D9%8A%D8%B0-%D8%A8%D8%A7%D9%84%D8%B5%D9%88%D8%B1.jpg

كاساديا التورتيلا فكره سهله وتفك أزمه و تحضيرها سهل ولذيذ

الطريقه :

١/ نقطع صدور دجاج قطع صغيره جداً ونخلط معها ملح وفلفل اسود وبهارات ايطاليه وفلفل حار مجروش والنكهات اللي تحبون

٢/ نحمي التاوه ونخلي النار مرتفعه مره ونحط بالتاوه شوي زيت ونشوح الدجاج لين يمسك وياخذ لون تحمير حلو ومو شرط يستوي وبعدين نحطه بصحن على جنب .

٣/ بنفس التاوه نحمس بصل مفروم + ثوم مفروم+ فلافل ملونه ( أخضر _أحمر _ أصفر _ برتقالي ) كلها تكون مقطعه مره صغار بعدين بس تذبل شوي نرجع عليها الدجاج ونخليه يكمل استواء .

٤/ اذا استوى الدجاج نضيف عليه بطاطس مكعبات صغيره مقليه + كريمة طبخ + جبن سايلل .
( المقدار للكريمه والجبن انتم تحددونه على حسب الرغبه )

٥/ نجيب خبزة تورتيلا أبيض مانقطعه نخليه دائره كامله ونفرد الحشوه عليها بالكامل وننثر موزريلا مبشور وبعدين نجيب تورتيلا اللي لونها برتقالي وندهنها خفيف بالجبن السايل ونلزقها ع الحشوه .

٦/ نحمي الصاجه ونضغط عليهم لين يذوب الموزريلا وتلزق الدائرتين ببعض ثمن الدائره الوحده قطعتها مثلثات طلعت معي ٨ مثلثات . وبس

مايبي لها شغل كثير وتطلع معك كميه حلوه وتواجه للرحلات ، للفطور ، للكشتات ، للعشاء ، لجلسة الشاي .. الخ

وجعله هني وعافيه على قلوبكم