المموش الكويتي الاصلي
بواسطة: كويتيه
تاريخ الوصفة: 29/12/2014
مقادير وطريقة عمل المموش :
المقادير:
٥ كوب أرز مغسول ومنقوع
١/٢ ١-٢ كوب ماش (عدس أخضر) مغسول ومنقوع
٢/١ كيلو ربيان ناشف
٣ بصلات مفرومة
٣/١ كوب كزبر وشبنت مفرومين
بهارات بودر (دارسين،لومي مطحون،هيل،بهارات مشكلة،فلفل أسود)
هيل حب
حبة لومي( ليمون أسود)
فلفل أخضر حار حسب الرغبة
ثوم
ملح
الطريقة :
ناخذ الربيان اليابس ونغسله ونحط عليه ماي حار ونحطه على النار ونخليه يطبخ لين نشوف الربيان صار طري ،لا تخلين الربيان يطبخ وايد لأن ما نبيه يصير لين وايد خليه وسط
نصفي الربيان من الماى الحار
نحط البصل المفروم في الجدر بدون زيت ،ونقلبه لين نشوف انه نشف نرش شوية ماى حوالي ملعقة كبيرة كل ما إحتاج لين نشوف لونه تغير وصار بني.
أول ما ينشف ويتغير لونه نحط شوية زيت ونقلبه
ونحط ثوم مدقوق ونقلبه شويه تالي نحط البهارات المشكلة واللومي والهيل والدارسين والفلفل الأسود
نضبف الربيان ونحكسه عدل تالي نحط شوية شبنت وكزبرة وملح
نشيل حشوة الربيان بصحن ونخليه على جنب ، بس نخلي شويه من الحشوة في الجدر
في نفس الجدر نحط شوية زيت وثوم مدقوق ،ولومي وهيل حب وفلفل أخضر حار ونحكس لين تطلع ريحة الثوم ثم نضيف الماش ( العدس)
ونضيف الماء الحار ونخليه يطبخ لمدة ٥-١٠ دقايق
ثم نضيف العيش ( الأرز) والملح و نغطي الجدر ونخليه يطبخ و لما يوصل منسوب الماء لغاية العيش نخفف النار عالاخر و نتركه دقيقتين و تالي نحط الحشوه فوق العيش على جنب ونغطي الجدر ونخليه على نار هاديه لين ينضج ونقدمه مع دقوس كويتي اللي هو دقوس صبار
