حلى التمر السكري المحشي بالصور

حلى التمر السكري المحشي بالصور


المقادير و الطريقه :

نجيب تمر سكري ونجيب سكين حاد ونفتح فيه التمر يعني نطلع (النّوى) زي فكرة الساندوتش يعني لاتنقسم التمره لنصفين لا بس من جهه وحده
ونحشيه بسكوت شاهي أو داجستيف مجروش أقرب الى الناعم + طحينه يعني على حسب الكميه نحاول نوازن بين الطحينه والبسكوت ونحشي التمر لين تخلص الكميه

اذا خلصنا نسوي التوفي ألذ طريقه للتوفي تسوينه انتي بالبيت لأن الجاهز ياثقيل ياسايل بزياده ماحبيت الجاهزه !

طريقة التوفي :

اول شي نجيب علبة قشطه ونحطها بصحن عميق فيه ماء حار ونخليها على جنب ونجيب قدر ونحط فيه كوب سكر + فنجال قهوه ماء + ملعقة شاي ( ملح ) ونخليه ع النار لين يصير لونه ذهبي مايل للبني فاتح بس راقبوه زين وبعدين نضيف القشطه ونخلط بالسلك اليدوي بسرعه وخفّة يد لين يتمازج ويطلع عندك توفي ولا ألذ
وهو ساخن جيبي لك صحن كبير وصبي فيه التوفي وخليه قدامك يبرد شوي وبعدين جيبي التمر وغمسيه بالتوفي من جهة الحشوه وبعدين اضيفي عليه اللي تحبين سمسم + فستق + لوز مبشور ... الخ .
:.
: وبألف ألف عافيه على قلوبكم