كنافه سهله ولذيذه
بواسطة: عندليب
تاريخ الوصفة: 09/12/2014
كنافه سهله ولذيذه
لعمل كنافه سهله ولذيذه :
-ممكن نسويها بالقلايه ع الفرن مع تغطيتها وقلبها جهتين..
-نص باكيت كنافه سواء الكرامه,هرفي,السنبله
-اصبع زبده
-سكر مطحون
-قشطة قيمر
-فستق للتزيين
-شيره مسبقة التحضير
الطريقه:
توضع الزبده على نار هاديه حتى الذوبان
تفرك الكنافه باليد حتى تتكسر ويكون شعرها قصير
نضيف تقريبا 2م ك سكر مطحون
نضيف الزبده بالتدريج وتفرك حتى تتجانس مع شعر الكنافه
(إذا حسيتي كمية الزبده كثير زيدي الشعر أو قللي الزبده
أهم شي يتغير لونها مع لمعه خفيفه صفراء وتكون طريه حتى ماتكون ريحة الزبده مزعجه وطعمها طاغي)
-يرص جزء من الشعر في صينية مع الضغط عليه باليد وتوضع القشطه
مع مراعاة عدم ملئ الأطراف وتوضع الطبقه2 وترص قليلا
-توضع في الفرن قرابة ثلث ساعه على نار هادئة نسبيا وتحمر من فوق
(لوبتسوينها عالفرن تقصرين النار مره وتكون تستوي بدري)
ملاحظه حتى تكون طريه:
بعد ما تحمرينها من فوق سقيها شيره بادره وكثري شوي حتى تتشربها وغطيها
وخليها في الفرن فتره(بدون تشغيل)..في النهايه يجرش الفستق ويزين بها وبالعافيه
دعواتك ربي يسعدكم
