حلى تشيز كوكيز الشوفان

حلى تشيز كوكيز الشوفان



تشيز كوكيز الشوفآن* شي أليم أول ماشفت الوصفه من أول نظره عشقته لأني أموت على الشوفان والجوز بس الزبيب لا
وحذفت الزبيب وأضفت بداله هيرشيز الكاراميل وطلع شي يصيح
وخاصه الطبقه اللي تحت طعمها كذا فيه قرمشه خفيفه اااخ شي يجننن لايفوتكم

مقادير وطريقة العمل :

*الطبقه الأولى /

ربع زبده لينه تخفق مع فنجان سكر لين تتجانس بعدين نضيف
صفار بيضه +شوي فانيلا بعدين ربع كاس طحين +ربع م ص بيكنج بودر
بعدين٣م ك سكر أسمر + ٤/٣ كاس شوفان + جوز مكسّر كسر صغيره مره ..
نرصها بصينية التشيز كيك وندخلها الفرن من تحت
لمدة ربع ساعه على نار هاديه مو مرتفعه

*الطبقه الثانيه /

جبن كيري الجرّه ٤٥٠ جرام + علبة نستله الكبيره نخفقهم لين ينعم الخليط مره
بعدين نضيف بيضتين + شوي فانيلا بعدين ثلث كاس طحين ونصبها ع الطبقه الأولى
بعدين نحط ع الوجه جوز مكسر مع شوفان تقريبا ربع كاس نخلطهم مع بعض ونخلط
معهم هيرشيز حبات باتر سكوتش بالكاراميلا او اذا ماعندك مايحتاج يكفي الشوفان والجوز
بعدين دخليه الفرن من ساعه الا ربع الى ساعه من تحت بعدين افتحي الفرن نص وخليه
يبرد شوي على راحته بعدين إذا برد جمليه بخطوط النوتيلا



وبألف عافيه