المعكرونة مع الصلصة الوردية

المعكرونة مع الصلصة الوردية
pasta with pink sauce recipe



المكرونه هذي اسمها : pasta with pink sauce سهله مره مره

*المقادير/

_ مكرونه " أي شكل تفضلوَنه " .
_ صدور دجاج مقطعه مكعبات .
_ زبده .
_ زيت زيتون .
_ 3 فصوص ثومٌ .
_ بصله .
_ طماطتين كبيره شوي مفرومه بالخلاط + ملعقتين كبار صلصة طماط .
_ كوب كريمة خفق .
_م ك جبن سايل .
_ بقدونس وريحان .
_ جبن بارميزان .
_ بهارات إيطاليه + رشة فلفل أسود وأحمر + بودرة بصل وثوم +
بديل جبنة برميزان مو ضروري بس حلوه نكهته + ملح


*الطريقه /

_ نضيف بالمقلاة ملعقة طعام زبدة ، وشوية زيت زيتون ونقطع البصل والثوم تقطيع ناعم جدا ً..
بعد ما يصير لون البصل ذهبي نضيف الدجاج .

_ بعدين نضيف البهارات ونتركه يطبخ لحدَ ماينضج .

_ في خلال هالوقت نسلق المكرونه في مويه دافيه وقليل من الملح .

_ نضيف صوص الطماطمٌ ع الدجاج ونحرَكه ونخليه يتسبّك .

_ نضيف كوب كريمة خفق ونحرَكه + الجبن السايل .
_ نكون فارمين البقدونس والريحان ونضيفه على الدجاج والصوص .
( ماكان عندي ماحطيته والا هو يعطي طعم لذييذ )

_ بعد ماسلقنا المكرونه نصفيَها ونضيفها على الصوص والدجاج ، ونتأكد من الملح .

_ بعدين جبنة البرميزان توصوا فيها وكلَ ماكثرتوا كلما كانت أطعم

_ بعدين تقدم دافيه واستمتعوا بألذَ مكرونه

وبألف عافيه