الحلى الخنفشاري تشيز كنافه

الحلى الخنفشاري تشيز كنافه



جيتكم بالحلا الخنفشاري تشيــز كنآفه
اقتبست الفكره من ملكة التشيز بس صلحته بمقادير سهله ولذيذه

مقادير وطريقة عمل التشيز :

*الطبقه الأولى /

بسكوت شاهي كبير مطحون + نص بسكوت صغير داجستيف يفرك باليد +
نص م ص قرفه + ٢م ص سكر بودره + م ك سكر أسمر + نص بيالة زيت والنص الثاني مويه
تفرك مع بعض وترص في القوالب وندخلها الفرن ١٠دقايق

*الطبقه الثانيه /

٣قشطه طازجه
٢٤ حبه جبن كيري
ظرف دريم ويب
نص كوب سكر
٣بيضات

نخلطهم بالخلاط اذا انخلطو زين نضيف البيض ومانخلط كثير بس يندمج البيض
ندخلها الفرن مايكون حار انتبهو من هالنقطه لازم الفرن تكون حرارته عاديه متوسطه
من ربع ساعه الى ثلث ساعه وبعدين طفو النار وافتحو باب الفرن نصه وخلوها تبرد على راحتها بعدين دخلوها الثلاجه

بعدين الحين امسحو بملعقه صغنونه على الوجه قشطه طازجه
ونحط فوقها الكنافه

*الطلقه الثالثه /

مقادير الكنافه /

كوبين كنافه مفروم بالسكين مقدار ١سم تقريبا ً+ اصبع زبده
تذوب الزبده ونحمس الكنافه لين تتشقر بعدين نحطها فوق التشيز ونسقيها شيره ونجملها
بالفستق المطحون او الورد المجفف أو على حسب الرغبه

وبألف عافيه

*ملاحظه /

طلعت معي ٢٤ حبه وبقى شوي خليط يعني يمكن تكفي ٢٦ او ٢٧ حبه بالتمام .
لاتنسوني من دعواتكم الجميله ياجميلين