مكرونه بشاميل وباستا

بواسطة: عبير العميرة

تاريخ الوصفة: 07/12/2014

http://www.encyclopediacooking.com/upload_recipes_online/uploads/images_arabic-food-cooking-recipe-1-%D8%B5%D9%88%D8%B1%D8%A9-%D9%85%D9%83%D8%B1%D9%88%D9%86%D9%87-%D8%A8%D8%B4%D8%A7%D9%85%D9%8A%D9%84-%D9%88%D8%A8%D8%A7%D8%B3%D8%AA%D8%A7.jpg

مكرونه باشميل وباستا سويت بينهم دمج وطلعت روعه

*الطريقه /
أول شي تسلقين مكرونه أي نوع تحبينه بمويه وملح بدون زيت لأن الزيت يسوي طبقه عازله يمنع الخلطه تتشرب مع المكرونه ، بعدين اذا استوت تصفينها من المويه وتحطينها بالصينيه وتبشرين فوقها جبن كرافت + موزريلا + برميزان

بعدين نسوي خلطة الدجاج :

نجيب تاوه عميقه ونحمس بصل مفروم وثوم مهروس بعدين نضيف قطع الدجاج بالعظم او بدون على حسب الرغبه بعدين نضيف البهارات الايطاليه ، الفلفل الأسود ، الملح ، شوي كركم ، بعدين نضيف طماطم قطع صغيره مره + فلفل رومي مقطع صغير وبصل أخضر بعد مقطع صغار وبطاطس وجزر مقطعين صغار مررره ثمن نضيف صلصه ونخليهم يتسبكون بعدين نزيد مويه شوي لين تستوي الخلطه بعدين نضيف شوي كريمة طبخ ونحطها في الصينيه ع المكرونه والاجبان

بعدين نسوي الباشميل

* المقادير

نص كاس طحين ، نص اصبع زبده ، كاسين ونص حليب سايل

*الطريقه /

تذوبين الزبده بدون تحمير وتضيفين عليها الطحين وتخلطينه بسرعه بعدين تصبين الحليب شوي شوي وتخلطين بسرعه عشان تروح كل التكتلات بعدين تضيفين م ك جبن سايل وتخلين الخليط يطبخ لين يثقل شوي بعدين تحطينه فوق خلطة الدجاج وتقصدرين الصينيه وتدخلينها الفرن من تحت نص ساعه على نار وسط بعدين تحمرينها من فوق خفيف

وبألف عافيه