البسبوسة المحشية بالقشطة

البسبوسة المحشية بالقشطة



مقادير وطريقة عمل البسبوسه :

1 ك سكر
1 ك سميد ناعم
1 ك زيت
1 ك جوز هند
1 علبة روب " زبادي "
2 بيض
2 م ص باكنغ باودر
هيل

اخلطي المقادير كلها مع بعض وصبي نصها بالقالب المتحرك بعد ماتدهنينه
ودخليها الفرن 5 دقايق عشان تتماسك شوي وطلعيها .

عالنار جهزي القشطه :

1 ك حليب سايل
2 م ك نشا " انا زدتهم لأنها ماتماسكت معاي تقريباً حطيت 3 ونص م نشا
3 م ك سكر
1 ك كريمة خفق
1 علبة قيمر " قشطه "
1 م ك ماي ورد " استبدلته بماي زهر احلى و أطعم "

حركيها عالنار لين ما تثقل وبعدها وزعيها فوق القالب بالملعقه
انتبهوا تصبونها بتخرب .. لأ شيلي بالملعقه و وزعيه لين ما يخلص .

أخير شي كملي الباقي من خليط البسبوسه و وزعيه بالملعقه فوق القشطه
وعالفرن لين تستوي واذا خلصت شقريها من فوق واسقيها بالشيره

" زينتها بفستق و جوز الهند "
* ملاحظه : حاليه زياده عن اللزوم خففوا السكر اللي ماتحب الحلا
بدل لا يكون بمقادير البسبوسه 1 ك سكر خلوه 1/2 سكر للي يبون الحلا معتدل .

وعليكم بألف عافيه