المنتو الكذاب
بواسطة: Bent Alasiri
تاريخ الوصفة: 05/12/2014
مقادير وطريقة عمل المنتو الكذاب :
طريقتنا على أربع مراحل وكلياتهن سهلات
نبدأ بالحشوة :
لحم مفروم + بصلة + ثومة + بصل الأخضر نقسم الجزء
الأبيض على جنب والجزء الأخضر على جنب + بهارات
+بقدونس+نص مكعب ماجي او أقل حسب رغبتك لحتى مايصير مالح
الطريقة :
نحمس بصلتنا والثومة وأخر بصلنا الأخضر بعد فرمه
بشوية زيت واستمتعي بالروائح الجميلة
نحط اللحمة ونحركها كويس ونضيف فوقها البهارات والماجي
او نستغني عنه بالملح نضيف الجزء الأخضر من البصل الأخضر
بعد فرمه ونحركه شويات ونسكر عليه واخر شي شوية بقدونس
ونخليه ع جنب يبرد .(أو يكفي أي طريقة مفروم معتمدتها )
نجي للحشوة إلي بأخر الصينية :
بصلة وسط وفلفل رومي مقطعين شرايح رفيعة + ثومة مهروسة
وواحد مكعب ماجي مو كرتونة
نجيب مقلاة ونحمس شوية زيت ع بصلنا وثومتنا والماجي
وبعدها الفلفل الرومي نحركها شوي لتكسب طعم ولون خفيف
نسكر عليه ونجيب صينية بايركس وننزلها فيه ونوزعه بكامل الصينية .
نجي لمرحلة اللف :
*نأخذ سنبوستنا ونقصها من الوسط
*نمدها بالطول ونحط الحشوة بأولها ونلفها للنهاية
* ماتحتاج تسكير تكون مفتوحة من الأطرف اللهم أضغطي خفيف
بسباباتك ورتبيها بالصينية .
نجي للصوص حق الوجه :
علبة قشطة +2 ملعقة مايونيز + 2 ملعقة جبن
ربع كأس ماء نخفقهم مع بعض ولاتخافي الطعم خرافي
• نصبهم فوق لفائفنا ونوزع زين وندخلها على الفرن من تحت
• تقريباً ربع او ثلث ساعة وبعدين من فوق بس تحمر طلعيها
المهم مانخلي الصنية تنشف من الصلصلة حلاتها بالصوص
وبالعافية عليكم
