رز بالدجاج والخضار والصلصة الحمراء والبهارات

رز بالدجاج والخضار والصلصة الحمراء والبهارات






المقادير والطريقة :

الرز من نوع ابو بنتين
اول شي نغسل رز ابوبنتين ابو حبة كبيرة المعروف
كاسين او اكثر او اقل على حسب عدد افراد الاسرة
ننقعه لمدة ساعتين او اكثر وكلما طال الوقت كلما صار طبخه اسهل

نقطع بصل ( وثوم اختياري ) وطماط الى قطع صغيرة واذا تحبون
الطماط مفروم او مطحون يكون افضل ..

نقطع دجاج بدون جلد الى اثمان ..

نقطع خضار مشكلة اللي تحبون
انا استخدمت بطاطس وكوسة وجزر وفلفل رومي يقطعون مكعبات كبيرة
والمفروض يكون معهم باذنجان بس مو متوفر عندي ....

المهم نحمس بصل وثوم بزيت غزير شوي لان المطلوب ان يكون الرز لين ومتفلفل
وبعد مايشقر البصل نضيف البهارات المشكلة والكركم والكاري اهم شي
والليمون الاسود والقرفة العدل ..
ضروري جدا نضيف البهارات مع البصل اثناء الحمس في كل طبخة لأن النكهة تكون قوية وتعطي طعم لذييييذ ورائع للطبخة نفسها ..

بعد مايذبل البصل نضيف قطع الدجاج ونحرك لحد مايتغير لون الدجاج ثم
نضيف مكعبين ماجي او ملح وبعدها نضيف الطماطم ونحرك
الى ان يذبل الطماطم ثم بعدها نضيف الصلصة تقريبا نصف العلبة او اقل
وبعدها نضيف الخضار ونحرك الجميع ونخليهم يتسبكون قليلا ع نار هادية
وبعدها نسكب الماء الى ان تنغمر جميع المكونات تقريبا 3 ارباع القدر
يكون ممتلئ ماء المطلوب ان نزيد كمية الماء
لان رز ابوبنتين ماينهرس بالراحة ويحتاج وقت طويل على بال مايستوي !!! ...

نترك المرقة ع نار عالية الى ان تنضج 3 ارباع النضج ونضيف عليهم الفلفل
الاخضر الحار والرز المنقوع ونخليهم ع نار عالية الى ان ينشف الماء قليلا يعني
احنا مانبغى الموية تنشف مرة لازم يكون فيها شوية موية عشان
تكون لينة هنا المطلوب ..

نوطي ع النار خفيف ونتركهم الى ان ينضج الرز تماما يعني كل شوي
جسوا النبض وتحسسوا حبة الرز استوت او لا بس ضروري تكون لينة
وفيها شوي موية لانها راح تذوب بالفم ذوبان وبعد ماينضج الرز
اغرفوه بصحن التقديم وزينوه بالكشنة المبهرة وبالبقدونس ..

وبالهناء والعافية يارب ..

ادعوا لي بالشفاء العاجل انا وعائلتي واهلي وجميع مرضى المسلمين
لاحرمكم الله الاجر