مخلل الخضار المسلوقة
بواسطة: نوره البليهد
تاريخ الوصفة: 03/12/2014
tursu recipe
مخلل الخضار المسلوقة
العشق المسموح هو اللي تشوفونه بالصورة فوق عبارة عن نوع من المخلالات اللذيذة جدا
والسريعة جدا،،اخذته أمس لزميلاتي وانهبلوا عليه،، يجننن مرة جربوه وادعولي
ممكن تحتفظون فيه كم يوم بالثلاجة
انا أسوي كمية واوزعه بعلب زجاجية وادخله الثلاجة
يكفينا اسبوع
تراني مو مسؤلة عن ادمانكم عليه وبالف عافية مقدما
طريقة عمل المخلل :
١_نسلق فاصوليا خضراء مقطعة بالطول وزهرة مفككة لما تنضج ونصفيهم
٢_نشوح على النار راس ثوم كامل مهروس مع ربع كاس زيت زيتون لما تفوح ريحته
٣_نضيف فلفل ألوان احمر واصفر وأخضر شرايح وجزر ونقلب الجميع لما تبدأ تنضج
٤_نبدا نضيف الفاصوليا والزهرة اللي سلقناهم ونقلب الجميع ونضيف الملح حسب رغبتنا
٥_نضيف اخر شي ذرة معلبة وشطة حلواني مطحونة وربع كاس خل ابيض
٦_نقلب الجميع دقايق ونسكر النار وتخليه لما يبرد ونعبيه بعلب زجاجية تجلس الى اسبوع
وتلذذوا بطعم الخضار المخللة السريعة
وعوافي على قلوبكم
صورة شطة حلواني للي ما يعرفها تحت ..وحابه انبهكم اذا وزعتوا المخلل بالعلب .غطوا سطحها بزيت الزيتون عشان ماتخرب مدة الاستخدام
