قرصان بالخضار بالصور
بواسطة: منار
تاريخ الوصفة: 27/11/2014
مقادير وطريقة عمل القرصان بالخضار
ناخذ قدر ونكشن فيه بصل بشوي زيت ونضيف حبتين طماط مفروم
وملعقه معجون طماط وبهارات مشكله وفلفل اسود وكمون وشوي كركم وملح
ثم نضيف جزر صغار او مربعات اللي تبين وبطاطس مكعبات + كوسه مربعات لكن ماكان عندي كوسه اكتفيت بالجزر والبطاطس وفلفل رومي مربعات صغيره
ونخليها دقيقه ثم نضيف 5 او 4 كاسات كبيره مويه حاره ونخلي البطاطس والجزر تستوي نص ساعه يمكن ثم نضيف القرصان الكميه اللي نبيها
هذي صورة القرصان شريته من الدانوب 10 ريال
ونحرك القرصان حتى يختلط مع الكشنه ونخليه على نار هاديه ربع ساعه تقريبا
الافضل مايكون ناشف خلي فيه شووي مرق شوي مو كثير يسبح فيه
ونقدمه بصحن بجانب الرز او ممكن تخليه تحت الرز قدميه بالطريقه اللي تحبيها وبالعاآفيه ياآرب
ملاحظه : ممكن تضيفي اي نوع خضار تبين + ممكن تضيفي دجاج او لحم وقت الكشنه وتخليها تستوي ثم تضيفي بقية الخضار وتكملي الطبخه نفس المكتوب
