مقرونة جارية تونسية بالصور
بواسطة: اختكم من تونس
تاريخ الوصفة: 23/11/2014
مقرونة جارية تونسية بالصور
تقص راس بصل و 3 سنانات ثوم و تقليهم في شوية زيت
في نفس الوقت تاخو مغرفة طماطم حكة و نصف مغرفة صغيرة تابل و كروية
و نصف مغرفة صغيرة كركم و مغرفة كبيرة فلفل أحمر
و ربع مغرفة صغيرة فلفل أكحل تصبهم في صحن صغير و
تزيد عليهم شوية ماء و تحركهم و تصبهم عالزيت و البصل
تزيد بعد طروف اللحم متاعك كو سو سوا دجاج ولا علوش يطيبو كيف كيف
تخليهم درج و بعد تزيد الماء و تخليه يغلي مدة نصف ساعة
وقت إلي يغلي تقص شوية سفنارية طروف صغار و شوية بطاطا كيف كيف و تخليهم على جنب
بعد نصف ساعة تقريبا تصب السفنارية و البطاطا
شوية حمص منفخ ( كان حمص الحكك إلي يتباع ديجا منفخ تحطو تو
سينون كانك شريتو جاف و إنتي إلي نفختو تحطو مالأول مع اللحم باش يطيب)
تش بعد المقرونة دو فاصون يكون المرق دوبل المقرونة
و تزيد كان حبيت كيف ترش المقرونة عرف كلافس و شوية معدنوس
