مكرونة بالمشروم والكريمة خطوه خطوه بالصور

مكرونة بالمشروم والكريمة خطوه خطوه بالصور


الوصفه



1 كيس معكرونه ملونه


حبة فلفل بارد من كل لون اخضر وبرتقالي واصفر واحمر


حبتين بصل


4 حبات ثوم


4 او 5 حبات بروكلي


قوطي مشرووووم


1 ماجي


ملح + فلف اسود على حسب الرغبه



مقادير الكريمه:

بوكس واحد كريمة


8 حبات كيري



الطريقه:



نفور الماي ونسلق المعكرونه ورشة ملح لين ما تنضى ونشخلها في المشخله



الوعاء الثاني نضع قليلا من زيت الزيتون ونقوم بوضع البصل (((( حشى مول ما انفع اكون مدرسة عربي )))) ونضيف الثووووم



ونخليه شويه لين ما يتغير لونه


نضيف الفلفل البارد



ونخلط المقادير ونغطي الجدر ونخليه شويه لين ما تحسون انه الفلفل بدى يلين طبعا ها الطريقه ما حطيت الدياي لاني عقب كمن يوم جربت ها الطريقه مع الدياي طلعت النتيجه خبااال


نضيف المشروووووم ونخليه دقيقتين





نضيف البروكلي ونخليه دقيقه .. السبب في وضع البروكلي اخر شي انه على طول يخترب شكله



نضيف الملح والفلفل الاسود والماجي



من جهة اخرى نقوم بعمل الكريمه



نضع حبات الجبن في الخلاط



ونصب الكريمه



وبعد ما خلطنا الكريمه في الخلاط


نصبها على خلطة المشروم

ها المعكرونه يسمونها بالصلصه البيضا .. ونفس الشي سويت تجربه ثانيه بالصلصه البيضا مع الصلصه الحمرا اللي هو الطماط .. حطيت قوطين وطلعت رهيبه .. حتى الصلصه البيضا رهيبه بس بالمكس احلى



ونحرك المقادير ونخليها لمدة 5 دقايق



نقوووم بوضع المعكروووونه على الخلطه





ونخلطهم مع بعض وشوفو الملح اذا اوكيه ولا اذا يبغي زياده



ونخليه شويه على نار هادئه .. بس يفضل ان تكون الصلصه موجوده يعني لا تخلونه وايد عن تتشرب في المعكرونه



وفي الاخير نحط المعكرونه في الوعااااء ويقدم




للتزيين نحط على الوجه جبن موزاريلا

الصراحه ها النوع من المعكرونه من اشهى الاطباق عندي

وبالعافيه عليكم