كفتة الارز المصرية بالصور
بواسطة: نور
تاريخ الوصفة: 18/11/2014
كفتة الارز المصرية بالصور
عملنا كفتة رز جامدة اخر حاجة يلا بينا على الصور والطريقة
مقاديرها
كيلو لحمة جملي مفرومة
نص كيلو رز
بقدونس وشبت وكزبرة خضرابصلتين كبار
4 فصوص ثوم
ملح وفلفل اسود وتوابل
الطريقة:
نخلطهم كل المقادير مع اللحمة ونعيد فرمها تاني
نشكلها صوابع أو دوائر زي ماحنا عايزين
نحمرها في الزيت
مقادير الصلصة
كمية من عصير الطماطم
ملغقة صلصة
ملعقتين زيت وممكن نحط معاهم ملعقة شاي صغيرة سمنة للريحة والطعم انا بعمل كده مبحبش السمنة الكتير
ملح وتوابل وأعواد قرفة القرفة بتخلي طعم الصلصة جنان
فصين ثوم
نشوح الثوم في الزيت ويدوب يبدأ يصفر نضيف عصير الطماطم والصلصة
ونتركها تتسبك ونضيف الكفتة اللي حمرناها ونسيبها حوالي ثلث ساعة لحد ما تستوي وأنا هنا قطعت بطاطس مكعبات وحاطتها تستوي مع الكفتة بتبقى خطيرة
ملحوظة: انا مش بستخدم بصل في الصلصة عشان متبقاش تقيلة على المعده وتعمل حرقان لان البصل موجود اصلا في الكفتة
وبالهنا عليكم
اترككم مع الصور
وعملت جنبها رز بشعرية
وشوربة لسان عصفور بحط عليها التوابل اللي بتيجي مع الاندومي بتبقى حلوة اوووووي
