كابتشينو بالكريمة المخفوقة خطوه خطوه بالصور

كابتشينو بالكريمة المخفوقة خطوه خطوه بالصور



دخلت الجمعية و بدأت بالتبضع ... أرجو التركيز على المشتريات ... تراها هي اللي راح نستخدمها فالوصفة..

ذهبت الى السوبرماركت قسم الحليب و الألبان .. خذو حليب طازج .. سواء كامل الدسم أو قليل الدسم ... أو معدوم الدسم
و شي بعد فنفس المكان ينباع كريمة مخفوقة جاهزة ... جدا لذيذه ... مهمه فطبق اليوم




عقب سيرو ركن الكوفي و الجاي .... و خذو هالنوعية من القهوة و أهم شي تكون على هئية حبيبات متكتلة
شرا الكسار ... مب طحين ... و احسن ماركة انا اشوفها هاذي ... و لكم الحرية فاختيارها يطولي فعمركم




و رديت البيت ... و اهني راح اراويكم المقادير ... ييبو كاس جبن بوك ... هو المكيال اللي بنكيل فيه ...

المقادير : نص كوب سكر + نص كوب من القهوة اللي اشتريناها توه + نص كوب ماء
كلهم لازم يكونون متساويين فالمقدار ... للأهمية




عقب انحطيهم كلهم فالخلاط ... نشغل على سرعة متوسطة و نخفق ..




شوفو شكله كيف من داخل الخلاط ... لازم يكون كريمي الشكل




عقب ييبو كونتينر أو أي علبة .... لانه راح نحفظ فيها الخلطة




اهنيه صبينا الخلطة داخل الكونتينر .... و نحكم الإخلاق عسب ما تضيع نكهة القهوة




عقب احطي الكونتينر داخل الفريزر عسب يجمد .. و خلاص اهنيه مكانه لين ما يخلص .. طريقة حفظة هي انه يكون على شكل أيسكريم ... التجميد ... أهم شي هالنقطة ... لانه راح نستخدمه و الكمية الباقية نحفظها فالفريزر





اهنيه نييب كوب الحليب اللي راح انسوي فيه الكوبتشينو و نصب فيه حليب مقدار ثلثينه فقط ... للمعيار فقط ... و عقب انحطي الحلي فمسخن و نفوره ... لين ما يحر عدل



فوقت ما انسوي الحليب ... و ما نتأكد ان الخلطة جمدت ( يبالها ثلاث ساعات فالفريزر ترا ) نفتح القوطي و ناخذ مقدار معلقة من الخلطة ....




و ندهن الخلطة على جدران كوب التقديم بطريقة هااي




عقب انصب الحليب الساخن داخل كوب التقديم ... و راح تظهر معانا هالرغوة الجميلة




و بعدها انييب الكريمة الجاهزة و انزين فيها وجهة الكوب و راح تضفي مذاق خيالي على الكابتشينو
و انرش شوية بودرة قهوة على الوجه للتزيين فقط ..
و يقدم مع البسكويت ...




أتمنى ان الموضوع عجبكم

و فانتظار تقييمكم

تحياتي للجميع