خلطة البزار البحريني
بواسطة: أم الذرابة
تاريخ الوصفة: 17/11/2014
الكل يسألني عن بهاراتي وسر نكهه طبخي
فقررت أكشف عن سر من أسراري ونجاح طبخاتي
بزاري العجيب
المقادير
كيلو فلفل أسود
نص كيلو جلجلان
ربع كيلو هيل
ربع كيلو عرق الهيل
ربع كيلو زنجبيل
ربع كيلو جوز بوه ويمكن الأستغناء عنه
ربع كيلو قرص القمر
ربع كيلو كركم
ربع كيلو هيل حبش
نص كيلو سنوت
ربع كيلو مسمار
ربع كيلو حلبه
ربع كيلو دارسين
ربع كيلو فلفل أحمر
250 غرام ورق الغار
الطريقة
ننظف البهارات وننسفها ونطلع منها كل الشوائب ويمكن غسلها كل صنف بروحه
ونصفيه بمصفى وننشره بالشمس لين يجف وأذا كانت البهارات نظيفه ننسفها بس
نحمص الكمون وبعدها نحمص الجلجلان وبعدها نحمص الفلفل الأحمر
ونحطهم بقدر نكسر القشر اللي فوق الجوز بوه والقشر اللي على قرص القمر
ونضيفه على الكمون اللي بالقدر
نضيف كل البهارات الموجوده ونخلطها مع بعض
ناخذها الى المطحنه اللي بالسوق ونحصل على بزار ناعم وريحته ماصارت ويعطي أكلج نكهه خاصه
نكيسه باكياس ونحتفظ فيه بالفريزر الى وقت الأستخدام
اتمنى وفقت في شرحي وتصويري
دعواتكم
