العصيدة البحرينية بالصور طبق بحريني مشهور

العصيدة البحرينية بالصور

طبق بحريني مشهور، لذيذ في فصل الشتاء ويبي لج أكثر من مرة تسوينها علشان تضبطينها عدل،


هالطبق علمتني إياه أم ريلي، بعدما إنخطبت عرفت إن ريلي يعشق هالطبخة فقلت لازم أتعلمها علشان أسويها له،


الطبق هو


العصيـدة


إن شاء الله يعجبكم، وترى في هالبرد عجييييب مع شاي زعفران ولا زنجبيل،


المقادير (الكمية تحددينها إنتي، تبين وايد ولا إشوي، الشيرة تبينها وايد ولا اقل):


- ثلاثة أكواب طحين عادي أو كوبين طحين عادي وكوب طحين أسمر
- كوب سكر
- سمن نباتي أو زيت نباتي
- زعفران منقع في فنجان ماي ورد
- وأكيد ماي نوعاً ما دافي
- مكسرات للتزين



الطريقة:


- أول شي حمسي الطحين، لين ما تطلع ريحة الطحين الحلوة ويصير لون الطحين أغمج بس حاسبي لا يحترق عليج،


- بعدين على السريع خلي الشكر والماي حطيه إشوي إشوي لين ما تحسين إنه كافي، مو تغرقين الطحين بالماي، لا حاسبي وإنتي تحطين الماي، وضيفي ملعقة سمن نباتي وخلطي زين ما زين بملعقة خشبية أحسن، وضيفي الهيل البودرة وماي الورد، وحركي في الخليط لين ما تجمد معاج،



- بعدين حطي العصيدة في صحن التقديم وفرشيها بشوية زيت، ونثري المكسرات وقدميها وهي حارة،




وهذه الصورة النهائية لها،




وإذا ما ضبطت معاج من أول مرة لا تزعلين، ترى يبي لج أكثر من مرة علشان تضبطينها عدل، وأهم شي يكون القدر عود حتى لو الكمية قليلة، يكون أحسن في الخلط.


وحياكم الله