• EN
  • اشراف أم حاتم

فيليه السمك المقلي المقرمش

بواسطة: ملكة الفراشات
تاريخ الوصفة: 17/11/2014

فيليه السمك المقلي المقرمش
http://www.encyclopediacooking.com/upload_recipes_online/uploads/images_%D8%B7%D8%B1%D9%8A%D9%82%D8%A9-%D8%B9%D9%85%D9%84-%D9%81%D9%8A%D9%84%D9%8A%D9%87-%D8%A7%D9%84%D8%B3%D9%85%D9%83-%D8%A7%D9%84%D9%85%D9%82%D9%84%D9%8A-%D8%A7%D9%84%D9%85%D9%82%D8%B1%D9%85%D8%B4-%D8%A8%D8%A7%D9%84%D8%B5%D9%88%D8%B1.jpg
جايبتلكم فيلية سمك ياخذ العقل
من جد روعة وزوجي انجن عليه

لا اطول عليكم

المقادير لعمل فيليه السمك المقلي :-

شرائح فيليه سمك مقطعه طوال بطول الاصابع بس عريضة يعني عرضها اصبعين
مقادير التتبيلة: (2 فص ثوم مدقوق + نص ملعقة صغيرة فلفل اسود + ملعقة صغيرة كمون + نص ملعقة صغيرة بهارات مشكله + عصير ليمونة + رشة ملح بسيطة)

للتغطية :

نجيب ثلاث صحون

الأول:- نحط فيه دقيق ورشة فلفل اسود.
الثاني:- بيض مخفوق.
الثالث:- بقسماط ونحط عليه رشة ملح وسمسم تقريبا ثلاث ملاعق اكل مليانه وكل ماكثر كان اطعم.

الطريقة لعمل فيليه السمك المقلي :-

نجيب زبدية ونخلط فيها جميع مقادير التتبيلة ونبدأ نحط السمك قطعه قطعه ونفركه بالتتبيلة لمن نخلص الكمية ونقلبه كله باليد اخر شي لمن نتأكد انه كل السمك غطيناه بالتتبيلة.
نغطي الزبدية ونحطها بالثلاجة لمدة لاتقل عن ساعه. وكل ماطول بالثلاجة كل ماكان اطعم.
وقت مابتطبخينه طلعيه من الثلاجة طبعا وتكونين مجهزة صحون الدقيق والبيض والبقسماط وقبل مانبدأ فيها نكون ولعنا على الزيت لانه لازم يكون حار وقت مانقلي السمك
ونجيب السمك ونبدأ نغطية قطعه قطعه اولا بالدقيق بعدين بالبيض وبعدين بالبقسماط لمن نخلص الكمية ونبدأ نحطه عالزيت ونخليه لييييين مايسير لونه من برى زي لون البروست يعني اشقر غامق شوي ومع السمسم بيطلع شكلة حلو
وبعد مايتحمر نطلعه من الزيت ونحطة بصفاية او على ورق نشاف عشان يطلع الزيت الزايد.

في ناس تفضل المقليات زي السمك والدجاج مع البطاطا المقلية بس انا ماحبيت اكثر زيوت سمك مقلي لحاله كفاية

سويت مع فيليه السمك المقلي سلطة خضرا عادية وتبلتها بليمون وخل وفلفل اسود وكمون

وسويت سلطة طحينة تجنن اخذت طريقتها من اختي الله يحفظها وراح اكتبلكم طريقتها

المقادير لعمل سلطة الطحينة :-

نص كوب طحينة + ربع ملعقة شاي فلفل اسود + ربع ملعقة شاي كمون + ربع ملعقة شاي ملح + عصير ليمونه + 3 غطايات خل ابيض + موية .

الطريقة لعمل سلطة الطحينة :-

نجيب زبدية ونحط فيها الطحينة ونحط عليها باقي المقادير ماعاد الموية
ونقلبها كويس بعدين نجيب موية ونبدأ نحطها بالتدريج مع التقليب لين ماتاخذ الطحينة قوام العسل وطبعا نذوقها اذا تحتاج ملح او ليمون زيادة
بس من جد رووعة جربوها

اتمنى يكون عجبكم الطبق


إرسال الوصفة