• EN
  • اشراف أم حاتم
موسوعة الطبخ مأكولات بحرية وصفات السمك المشوي السمك البوري المشوى فى البيت على طريقتي

السمك البوري المشوى فى البيت على طريقتي

بواسطة: omhamza
تاريخ الوصفة: 17/11/2014

السمك البوري المشوى فى البيت على طريقتي
http://www.encyclopediacooking.com/upload_recipes_online/uploads/images_%D8%A7%D9%84%D8%B3%D9%85%D9%83-%D8%A7%D9%84%D8%A8%D9%88%D8%B1%D9%8A-%D8%A7%D9%84%D9%85%D8%B4%D9%88%D9%89.jpg
جيبلكم السمك المشوى فى البيت
انا اول مرة اشوى السمك فى البيت بجيبة جاهز بس بصراحة مبيعجبنيش خالصصصصص المهم كنت بشترى طلبات من السوق عجبنى سمك بورى مصرى حلو اوى قلت مبدهاش بقا يابت هاتى سمك واعملى لجوزك حبيبك اكلة حلوة كدة انهاردة بس جبتة على اساس اننا نشوية على الفحم بيبقا حلو بردوة بس جوزى كسل يولع الفحم فظيع فى الكسل المهم قلتلة انا هشوية بطريقتى وانت خد دودو واطلعو برة عشان خايفة عليها من الدخان وقفلت الباب عليهم بس الحمدلله مطلعلهمش حاجة من الدخان عارفة طولت عليكم اول حاجة هنعملها سوا الرز بتاع السمك
بتجيبى كمية الرز اللى انتى عوزاة وبتحمرى بصلة على النار وتحطى نص علبة صلصة وتكونى مقطعة كزبرة وبقدونس وتزودى مية وتحطى الخضار دة وتسيبية يغلى كويس وتحطى الرز وتحطى ملح وكمون وتسيبية يستوى وهيطلع بالشكل دة انا ديما بعملة مع السمك اسمة رز احمر
http://www.encyclopediacooking.com/upload_recipes_online/uploads/images_%D8%B7%D8%B1%D9%8A%D9%82%D8%A9-%D8%A7%D9%84%D8%B3%D9%85%D9%83-%D8%A7%D9%84%D8%A8%D9%88%D8%B1%D9%8A-%D8%A7%D9%84%D9%85%D8%B4%D9%88%D9%89-%D9%81%D9%89-%D8%A7%D9%84%D8%A8%D9%8A%D8%AA-%D8%B9%D9%84%D9%89-%D8%B7%D8%B1%D9%8A%D9%82%D8%AA%D9%8A-%D8%A8%D8%A7%D9%84%D8%B5%D9%88%D8%B1.jpg
السمك بقا ياحلوين حطيت صاج حلو كدة على البوتجاز وسخنتة جامد
وجبت السمك وغسلتة وخليتة يتصفى وللاسف نسيت جدا انى معنديش رادة اللى بنشوى بيها السمك اعمل اية يادى النيلة وانا خلاص مولعة على الصاج جريت على النت اسال ماما قالتلى اشوى بدقيق قلتلها دقيق يانهارابيض انتى عوزة ابو دودو يشمت فيااااااااااااااااقالتلى على ضمانتى قلت يلا بقا مفيش حل تانى اهو بجرب انا اول مرة اشوى فى البيت
المهم رشيت علية دقيق حطيتة على الصاجة والنار عالية ومتقلبيش كل شوية وكنت مشغلة الفرن الكهربة وهو استوى انا اتاكدت بس قلت ادخلة الفرن زيادة تاكيد
وعملتلة دقة عبارة عن كمون وملح وشطة مفرومة ولمون وكزبرة خضرة متقطعة ومية وملحت السمك وطلع تحفة يابنات اول مرة اكل سمك بالجمال دة ودى صورتة وانتو احكموا
http://www.encyclopediacooking.com/upload_recipes_online/uploads/images_2%D8%B7%D8%B1%D9%8A%D9%82%D8%A9-%D8%A7%D9%84%D8%B3%D9%85%D9%83-%D8%A7%D9%84%D8%A8%D9%88%D8%B1%D9%8A-%D8%A7%D9%84%D9%85%D8%B4%D9%88%D9%89-%D9%81%D9%89-%D8%A7%D9%84%D8%A8%D9%8A%D8%AA-%D8%B9%D9%84%D9%89-%D8%B7%D8%B1%D9%8A%D9%82%D8%AA%D9%8A-%D8%A8%D8%A7%D9%84%D8%B5%D9%88%D8%B1.jpg
وطبعا معاة طبق سلطة معتبر ودة صورتة عشان عيونكم

http://www.encyclopediacooking.com/upload_recipes_online/uploads/images_3%D8%B7%D8%B1%D9%8A%D9%82%D8%A9-%D8%A7%D9%84%D8%B3%D9%85%D9%83-%D8%A7%D9%84%D8%A8%D9%88%D8%B1%D9%8A-%D8%A7%D9%84%D9%85%D8%B4%D9%88%D9%89-%D9%81%D9%89-%D8%A7%D9%84%D8%A8%D9%8A%D8%AA-%D8%B9%D9%84%D9%89-%D8%B7%D8%B1%D9%8A%D9%82%D8%AA%D9%8A-%D8%A8%D8%A7%D9%84%D8%B5%D9%88%D8%B1.jpg


إرسال الوصفة
 

 

تصميم مجموعه ترايدنت العربية

Powered by SaphpLesson 4.0

© 2005 - 2022 موسوعة الطبخ arabic recipes

موقع موسوعة الطبخ موسوعة مفتوحة للطبخ والأكلات العربية بمشاركة زوار الموقع, وإدارة الموقع تخلي مسئوليتها عن حقوق أي وصفة منقولة ومن له اعتراض على وصفة خاصة مراسلتنا لحذفها من هنا

sitemap

Privacy Policy