بسبوسة بالصور خطوة خطوة

بسبوسة بالصور خطوة خطوة

بسبوسة شيف شوكلاتة المعتمدة

الكوب المستخدم في هذي الوصفة الكوب العادي أوي أي كوب عندج بس المهم تستخدمينه في قياس كل المقادير .

مقادير البسبوسة الجافة
¾ 1 كوب سميد ناعم
1 كوب جوزهند ناعم


½ كوب سكر
½ كوب زيت
½ كوب ماء


1 ملعقة صغيرة فانيليا
عدد 1 بيض
1 علبة قشطة وممكن نستبدلها بالقيمر


3 ملاعق طعام مليانة من الحليب البودرة .


1 ملعقة صغيرة باكنج باودر


للتزين لوز أو أي نوع من المكسرات


½ 1 كوب من القطر البارد المعد مسبقاً


ولخبز البسبوسة نحتاج إلى صينية منخفضة الحواف مدهونة بالطحينية أو الهرده


ولتسهيل المهمة نستخدم الفراشة


نحط الماقدير الجاف في وعاء عميق السميد وجوز الهند


ونضيف الباكنج باودر


ونضيف الحليب البودرة , ونتركهم على جنب


في خلاط العصير نضيف (القشطة , الزيت , الماء , السكر , والبيض) ونخفقهم لحد ما يصير المزيج كريمية وفاتح اللون .


واهني شكل المزيج بعد ما خفقناه ونصبه على المقادير الجافة .


نبدأ نمزيج كل المقادير

 
لاحظوا اهني عزيزاتي المزيج راح يكون رخو وشبة سائل في البداية .


لكن بعد فترة راح يكون كثيف شوي بسبب اني السميد راح يكبر حجمه ويشرب من المكونات السائلة.


نصب المزيج في الصينية المدهونة


ونوزعها مبدأيا في الصينية


وبعدين نوزع ملعقة طعام من الزيت ونخلي السطح أملس بإستخدام ملعقة كما هو موضح أدنه أحبي .


لاحظوا اهني ارتفاعها عزيزاتي


ونوزع اللوز أو أي نوع مكسرات ثانية نحن نحبه



مرحلة الخبز

ندخل البسبوسة لفرن حامي مسبقاً على حرارة 160 درجة في الرف الأوسط واهني شكلها وهي في الفرن بعد مرور حوالي العشر دقايق لاحظوا كيف انتفخت عزيزاتي. نخليها تنضج بشكل كامل ونحمر السطح بعد .


وهذا شكلها بعد ما طلعت من الفرن , على طول نكون مجهزين القطر ولازم يكون بارد أحبتي ونصب علي البسبوسة.


وهذاشكلها بعد صبينا القطر عليها . طبعاً عزيزاتي كمية القطر الي هي1 ½ تعطينا بسبوسة معتدلة في الطعم السكري لكن لو حبيتوها تكون حلوه ممكن تخلونها 2 كوب قطر وكله راجع لذوقكم الشخصي عزيزاتي ^_^


واهني صورها بعد ما خليناها تبرد شوي .






اهني بديت أقصها المفروض نخليها تبرد بشكل كامل قبل لكن مافي حد عنده صبر . لكن كانت لابأس بها ما اختربت وقت التقطيع خخخخخخ . صوره للتشويق

 
واهني شكل البسبوسية بعد ما قصيت أول سطر لاحظوا كيف هشه ولونها فاتح




واهني صور من قلب الحدث









وهاي قطعتي تفظلوا


صراحة هذي هي بسبوستي المعتمدة ولذيذة بطريقة لا تقاوم . وتذوب في الحلج وتنبلع بروحهها بس طبعاً الحلو ما يكمل غير ويا القهوة .


وممكن كإقتراح تقديم تحطونها في أ وراق الكب كيك


 
إذا حبيتي الموضوع أو الصور لا تنسين تدعين لصاحبته بالتوفيق والنجاح وتحقيق الأمنيات .
مع محبتي
شوكلاتةuae
شيف لطيفه