• EN
  • اشراف أم حاتم
موسوعة الطبخ معجنات طريقة عمل العجينة للمعجنات طريقة عمل عجينة السمبوسة المنزلية بالصور

طريقة عمل عجينة السمبوسة المنزلية بالصور

بواسطة: شيف لطيفة
تاريخ الوصفة: 15/11/2014

طريقة عمل عجينة السمبوسة المنزلية بالصور
http://i982.photobucket.com/albums/ae308/cce4ever/samboosa/70.jpg
أغلب الوقت نستسهل نستخدم عجينة السمبوسة الجاهزة. لكن نكهة السمبوسة المعدة باستخدم عجينة عجينة ولذيذة وخفيفة لو اتبعنا الطريقة الصحيحة والتكنيك الصحيح . عن نفسي افضل أسوي العجينة بنفسي لاني العجينة الجاهزة احس اني اكل ورق مقلي . فخليت استخدم عجينة السمبوسة الجاهزة لمقبلات وأصناف ثانية بس مش للسمبوسة .



بإسم الله نبدأ طريقة عمل السمبوسة من الألف إلى الياي . بداية هذا شكل السمبوسة النهائي شو رايكم ؟؟
http://i982.photobucket.com/albums/ae308/cce4ever/samboosa/1.jpg

مقادير عجينة السمبوسة
هذي المقادير تعطيج عدد 22 سمبوسة حجم كبير . وكل ما صغرتي الحجم بتكثر الكمية
http://i982.photobucket.com/albums/ae308/cce4ever/samboosa/16.jpg


حشوات السمبوسة
بالنسبة لي ألذ وأروع حشوتين للسمبوسة هم اللحم المفروم . والجبنة الفيتا المضاف له بقدونس ونعناع مفرومين
http://i982.photobucket.com/albums/ae308/cce4ever/samboosa/29.jpg

واكتشف بعد حشوة جديدة ولذيذة وهي (جبن موزاريلا مبشورة , جزر مبشورة, فلفل بارد مبشور)
http://i982.photobucket.com/albums/ae308/cce4ever/samboosa/31.jpg

وبنحتاج إلى قطاعات السمبوسة حسب المتوفر عندج
http://i982.photobucket.com/albums/ae308/cce4ever/samboosa/34.jpg

وراح نحتاج إلى صواني مرشوشة بالطحين بشكل خفيف جداً
http://i982.photobucket.com/albums/ae308/cce4ever/samboosa/034.jpg



في محضرة الطعام بنضيف الطحين والملح والباكنج باودر والزيت ونعجن

بتظهر عندنا عجينة عبارة عن فتات مثل يوم نسوي التارت .

بنبدأ نضيف ماء بالتدريج ونعجن . انا استخدمت الطحين الكويتي الفاخر والكوبين خذو حوالي 3/4 الكوب او اقل بشوية . لكن أنصج دايما تضيفين الماء بالتدريج لاني درجة رطوبة الطحين تختلف في انواع تحتاج ماء اكثر من انواع ثانية.
http://i982.photobucket.com/albums/ae308/cce4ever/samboosa/20.jpg


هذا شكل العجينة خذيت بالظبط 4 دقايق وصارت لينة ومتماسكة وناعمة . ولو شديناها ممكن تشد وما تنقطع وهذا هو القوام المطلوب.
http://i982.photobucket.com/albums/ae308/cce4ever/samboosa/22.jpg

نرش صحن بشوية طحين ونحط العجينة ونرشها بعد بقليل من الطحين ونخليها ترتاح على الاقل ثلاث ساعات وأفضل نسويها قبله بيوم لنتائج أفضل
http://i982.photobucket.com/albums/ae308/cce4ever/samboosa/23.jpg

طريقة تشكيل السمبوسةهذا شكل العجينة بعد ما ارتاحت بشكل جيد . لحظي كفي ملساء وناعمة مش ناشفة.
http://i982.photobucket.com/albums/ae308/cce4ever/samboosa/32.jpg


بنفرد العجينة بارتفاع وايد رهيف على الاقل ربع سم . وراح استخدم الدائرة الي فيها مثلثات. وبعد قوالب السمبوسة العادية
http://i982.photobucket.com/albums/ae308/cce4ever/samboosa/36.jpg

وحطيت قطعة من العجية وصفيت في أنصاف المثلثات الحشوات الي عندي .
وحطيت قطعت عجينة ثانية وغطيتها بشكل جيد . وبإستخدم فرداة العجين ضغط عليها علشان تسكرها وعلشان تاخذ شكل القالب.
http://i982.photobucket.com/albums/ae308/cce4ever/samboosa/39.jpg

وهذي المثلثات الحلوة نزلت بسهولة . لاني العجينة مرتاحة وما تعاند معانا ههههههه
http://i982.photobucket.com/albums/ae308/cce4ever/samboosa/41.jpg

ورصيتهم في الصينية المرشوشة بالطحين
http://i982.photobucket.com/albums/ae308/cce4ever/samboosa/44.jpg

الموديل الثاني المتعارف عليه . قصيت بأسفل القطاعة الدوائر بهذي الصوره
http://i982.photobucket.com/albums/ae308/cce4ever/samboosa/45.jpg

بس يا جماعة الخير لازم ندهن الحواف بقليل من الماي عسب ما تفتح معانا .
http://i982.photobucket.com/albums/ae308/cce4ever/samboosa/47.jpg

ونحط الحشوة وما نكثر
http://i982.photobucket.com/albums/ae308/cce4ever/samboosa/48.jpg

وهذي السمبوسة بعد ما خذت شكل القالب
http://i982.photobucket.com/albums/ae308/cce4ever/samboosa/51.jpg

نتأكد اني الاطراف كلها مقفولة بشكل محكم عسب ما تطلع الحشوة أثناء القلي.
http://i982.photobucket.com/albums/ae308/cce4ever/samboosa/52.jpg

وهذا موديل السمبوسة الثاني بعد ما رصيته في الصينية المرشوشة بالطحين
http://i982.photobucket.com/albums/ae308/cce4ever/samboosa/57.jpg

وممكن تسوين مني سمبوسة محشية كيري وتحطيها في القطر بعد القلي مثل هذيلا الحلوات^_^
http://i982.photobucket.com/albums/ae308/cce4ever/samboosa/58.jpg

هذي كل الكمية الي سويتها بهذي المقادير
http://i982.photobucket.com/albums/ae308/cce4ever/samboosa/60.jpg

بعد ما رصينا السمبوسة في الصواني المرشوشة بالطحين دخلتهم الفريرز عسب يجمدون مدة ساعة . وبعدين طلعيتهم . ورصيت نص الكمية في صحن بلاستك . لاحظوا بعد ما جمدون الشكل ما تغير لاننا جمدناهم وفي صينية الاول.
http://i982.photobucket.com/albums/ae308/cce4ever/samboosa/62.jpg

وهذا نص الكمية حطيته في صحن بلاستك وعلى الفريزر . أباكم تشوفون أشكال السمبوسة المختلفة كل شكل واضح ومش معجن وشكلة متقن. الكمال لله وحدة
http://i982.photobucket.com/albums/ae308/cce4ever/samboosa/64.jpg



قلي السمبوسة

لازم تنقلي السبموسة في زيت متوسط الغزارة وعلى متوسطة .
http://i982.photobucket.com/albums/ae308/cce4ever/samboosa/66.jpg

وميزة هذي العجينة . انها تنتفخ في الزيت وتكون من داخل طرية وتذوب ومن الخارج مقرمشة لاحظو يوم ضغط على .
http://i982.photobucket.com/albums/ae308/cce4ever/samboosa/67.jpg

وما نوصيكم بالتقديم الحلو والحركات القميلة ^_^
http://i982.photobucket.com/albums/ae308/cce4ever/samboosa/69.jpg

http://i982.photobucket.com/albums/ae308/cce4ever/samboosa/70.jpg


أتمنى تحوز طريقتي في السمبوسة على اعجابكم

أختكم في الله
لطيفة مسعود


إرسال الوصفة