
قهوة المارس اللذيذه بالصور
بواسطة: حرم فهد باشا
تاريخ الوصفة: 14/11/2014

عندي لكم قهوة مارس وربي كل من ذاقها انجن عليها
لدرجة اخوان زوجي وعيالهم مرة تعشو عندي وسويت لهم قهوة المارس
وصارو بس هرجتهم هم لدرجة زوجة حماي قالتلي انتي وش مسويه بعيالي وابوهم
يالله بسم الله نبدأ

المقادير لكوب واحد فقط
مارس الصغير ابو ريال ونص
علبة حليب اي نوع الصافي المراعي ندى
ملعقة كبيرة نسكافيه

ثم تقطعين المارس قطع صغيرة في الخلاط..
بس هنا انا قطعت اكثر من واحد لاني مسويته لشلة اللي ببيت اهلي

ثم تسخنين الحليب ع النار حتى الغليان وتصبينه فوق المارس بالخلاط وتحطين ملعقة نساكفيه وتشغلين الخلاط وكوووني حذرة
لاتملين الخلاط اذا كنتي مسويه كثير لانه بيفور عليك


وخليه يدور خمس ثواني فقط حتى تطلع رغوة ويذوب المارس .. بس لاتطولين تبرد


وثم صبيه بكوب وزينيه ببودرة كاكاو .. واستمتعي بالرغوة والقهوة الذيذه


وهنا اختي وحريم اخواني صجوني صوريه ونزليه ع بالهم بسوون اغراااء خخخخ
وبالنهاية ..
دعواتكم لي بظهر الغيب
ان الله يرزقني ومن احب بالجنة